ကိုယ်ရေးအချက်အလက်ဆိုင်ရာ သင့်လျော်မှန်ကန်သောစီမံခန့်ခွဲမှု စည်းမျဉ်းများ၊ လုပ်ငန်းလည်ပတ်မှုဆိုင်ရာစည်းမျဉ်းများနှင့် အခကြေးငွေဇယား အားလုံးကို ကျေးဇူးပြု၍ ဖတ်ပါ။

ကိုယ်ရေးအချက်အလက်ဆိုင်ရာ သင့်လျော်မှန်ကန်သောစီမံခန့်ခွဲမှု စည်းမျဉ်းများ၊

ဤစည်းမျဉ်းများသည် အခကြေးငွေပေးရသည့် အလုပ်အကိုင်မိတ်ဆက်အေဂျင်စီတစ်ခုဖြစ်သည့် Will Group Co., Ltd. Nishi-Shinjuku Office မှ အလုပ်ရှာဖွေသူများနှင့် ပတ်သတ်၍ ၎င်းလုပ်ငန်းရည်မှန်းချက်များအောင်မြင်ရန် လိုအပ်သည့်အတိုင်းအတာအထိ အလုပ်ရှာဖွေသူများနှင့်ပတ်သက်သော ကိုယ်ရေးကိုယ်တာအချက်အလက်များကို စုဆောင်း၊ သိမ်းဆည်းရန်နှင့် အသုံးပြုရန်အတွက် သတ်မှတ်ထားသောအရာဖြစ်ပါသည်။

အပိုဒ် 1 (အချက်အလက်များကိုင်တွယ်ခြင်းဆိုင်ရာတာဝန်ခံ)
ကိုယ်ရေးကိုယ်တာ အချက်အလက်များကို ကိုင်တွယ်မည့် ရုံးခန်းအတွင်းရှိ ဝန်ထမ်းများ၏ နယ်ပယ်သည် Will Group Co., Ltd. ၏ အလုပ်အကိုင် မိတ်ဆက်တာ၀န်ခံများသာ ဖြစ်ရမည်။ ကိုယ်ရေးကိုယ်တာအချက်အလက်များကို ကိုင်တွယ်မည့် တာဝန်ရှိပုဂ္ဂိုလ်မှာ Yudai Yano ဖြစ်သည်။

အပိုဒ် 2 (သတင်းအချက်အလက် ကိုင်တွယ်ခြင်းဆိုင်ရာ ပညာပေးခြင်း)
အလုပ်အကိုင်မိတ်ဆက်ခြင်းဆိုင်ရာတာဝန်ခံသည် အပိုဒ် 1 တွင်ဖော်ပြထားသော ကိုယ်ရေးကိုယ်တာအချက်အလက်များကို ကိုင်တွယ်သည့် လုပ်ငန်းရုံးတွင်းရှိ ဝန်ထမ်းများအား ကိုယ်ရေးကိုယ်တာအချက်အလက်များ ကိုင်တွယ်ခြင်းနှင့် စပ်လျဉ်းသည့် ပညာပေးခြင်းနှင့် လမ်းညွှန်မှုများကို ၁နှစ်လျှင် ၁ကြိမ် လုပ်ဆောင်ရမည်။ ထို့အပြင်၊ အလုပ်အကိုင်နေရာချထားရေးမန်နေဂျာများသည် အလုပ်အကိုင်မိတ်ဆက်ခြင်းဆိုင်ရာတာ၀န်ခံသည် အနည်းဆုံးငါးနှစ်လျှင်တစ်ကြိမ် အလုပ်အကိုင်မိတ်ဆက်ခြင်းဆိုင်ရာတာ၀န်ခံသင်တန်းကို တက်ရောက်၍ ကိုယ်ရေးကိုယ်တာအချက်အလက်များကို အကာအကွယ်ပေးခြင်းနှင့်ပတ်သက်သည့် အသိပညာနှင့် အချက်အလက်များရရှိအောင်ကြိုးစားရပါမည်။

အပိုဒ် ၃ (အချက်အလက်တင်ပြခြင်းနှင့် ပြင်ဆင်ခြင်း)
အပိုဒ် ၁ ပါ ကိုယ်ရေးကိုယ်တာအချက်အလက်များ ကိုင်တွယ်ရေးတာဝန်ခံသည် အလုပ်မိတ်ဆက်ခြင်းကို လုပ်ဆောင်မည့် ၀န်ထမ်းများထံမှ ကာယကံရှင်များ၏ ကိုယ်ရေးကိုယ်တာအချက်အလက်များတင်ပြရန်တောင်းဆိုလာပါက ထိုတောင်းဆိုမှုအပေါ်အခြေခံ၍ လူတစ်ဦးချင်းစီ၏ အရည်အချင်းများနှင့် လုပ်ငန်းအတွေ့အကြုံများကဲ့သို့သော ရည်ရွယ်ချက်အချက်များကို အခြေခံ၍ နှောင့်နှေးမှုမရှိဘဲ အချက်အလက်များကို တင်ပြရပါမည်။ ထို့အပြင် ၄င်းနှင့်ပတ်သတ်၍ ပြင်ဆင်မှု (ဖျက်ခြင်းအပါအဝင်၊ အောက်ပါနှင့်အတူ)များကို တောင်းဆိုလာပါက ၄င်းတောင်းဆိုချက်၏ အကြောင်းအရာသည် ဦးတည်ချက်အချက်များနှင့် ကိုက်ညီပါက ပြန်လည်ပြင်ဆင်းခြင်းကို နှောင့်နှေးခြင်းမရှိဘဲ ပြုလုပ်ရမည်ဖြစ်ပါသည်။

ထို့အပြင်၊ ကိုယ်ရေးကိုယ်တာအချက်အလက်များ တင်ပြခြင်း သို့မဟုတ် ပြင်ဆင်ခြင်းဆိုင်ရာ ကိုင်တွယ်အသုံးပြုပုံနှင့်ပတ်သက်၍ အလုပ်မိတ်ဆက်တာ၀န်ခံသည် သက်ဆိုင်ရာအလုပ်ရှာဖွေသူများထံ စသည်တို့ကို အသိပေးရမည်ဖြစ်သည်။

အပိုဒ် 4 (တိုင်ကြားချက်များအား ကိုင်တွယ်ဖြေရှင်းခြင်း)
အလုပ်လျှောက်ထားသူများထံမှ တိုင်ကြားချက်တစ်ခုခုရှိခဲ့ပါက တိုင်ကြားမှုများအားကိုင်တွယ်ဖြေရှင်းရေးတာဝန်ခံသည် မှန်ကန်စွာ သင့်လျော်သောဖြေရှင်းမှုများကို လုပ်ဆောင်ပေးရမည်။
ကိုယ်ရေးကိုယ်တာ အချက်အလက်များကို ကိုင်တွယ်ခြင်းနှင့်ပတ်သက်၍ တိုင်ကြားမှုများအားကိုင်တွယ်ဖြေရှင်းရေးတာဝန်ခံသည် အလုပ်မိတ်ဆက်တာ၀န်ခံဖြစ်ရမည်။

အပိုဒ် ၅ (အကောင်အထည်ဖော်မည့်ရက်စွဲ) ဤစည်းမျဉ်းများသည် 2021 ခုနှစ် ဧပြီလ 1 ရက်နေ့မှ စတင်အကျူံးဝင်မည်ဖြစ်သည်။

လိပ်စာ 2nd floor, Advance Building, 8-1-16 Nishi-Shinjuku, Shinjuku-ku, Tokyo
လုပ်ငန်းအမည် Will Group Co., Ltd. Nishi-Shinjuku Office

လုပ်ငန်းလည်ပတ်မှုဆိုင်ရာ စည်းမျဉ်းများ

လုပ်ငန်းအမည်- Will Group Co., Ltd. Nishi-Shinjuku Office

အလုပ်ခေါ်စာ နံပါတ်၁
1 ဤရုံးသည် (ကိုင်တွယ်မည့် အလုပ်အတိုင်းအတာသည် ပြည်တွင်းအလုပ်အကိုင်အားလုံးဖြစ်သည်)မည်သည့်အလုပ်လျှောက်လွှာများကိုမဆို လက်ခံသည် ။
သို့သော် လျှောက်လွှာပါ အကြောင်းအရာများသည် ဥပဒေနှင့်ဆန့်ကျင်ခြင်း သို့မဟုတ် လုပ်ခနှင့် အလုပ်ချိန်ကဲ့သို့သော လုပ်ငန်းခွင်အခြေအနေများသည် ပုံမှန်အလုပ်အခြေအနေများနှင့် နှိုင်းယှဉ်ပါက သိသိသာသာ မသင့်လျော်ပါက လျှောက်လွှာကို လက်ခံမည်မဟုတ်ပါ။
၂ အလုပ်လျှောက်ထားရန်အတွက် အလုပ်ရှာဖွေသူ သို့မဟုတ် ၎င်း၏ကိုယ်စားလှယ်သည် ကုမ္ပဏီသို့ တိုက်ရိုက်လာရောက်ပြီး သတ်မှတ်ထားသော အလုပ်ခေါ်စာများကို လျှောက်ထားနိုင်ပါသည်။ အကယ်၍ ရုံးသို့ လူကိုယ်တိုင်လာရောက်လျှောက်ထားခြင်း မလုပ်နိုင်ပါက စာတိုက်၊ တယ်လီဖုန်း၊ ဖက်စ် သို့မဟုတ် အီးမေးလ်ဖြင့် ဆက်သွယ်နိုင်ပါသည်။
၃ အလုပ်လျှောက်ထားရာတွင် အလုပ်အကြောင်းအရာ၊ လုပ်ခ၊ အလုပ်ချိန်နှင့် အခြားအလုပ်အကိုင်အခြေအနေများကို စာရွက်စာတမ်းထုတ်ပေးခြင်းဖြင့် ကြိုတင်၍ရှင်းလင်းစွာဖော်ပြပါ။ သို့ရာတွင် အရေးပေါ်ကိစ္စများကြောင့် စာရွက်စာတမ်းကို ကြိုတင်ထုတ်ပေးရန် မဖြစ်နိုင်ပါက သက်ဆိုင်ရာအချက်အလက်များကို အခြားနည်းလမ်းဖြင့် ရှင်းလင်းစွာဖော်ပြပါ။
၄ အလုပ်ကမ်းလှမ်းမှုကို လက်ခံသည့်အခါ ပူးတွဲပါ အခကြေးငွေဇယားပေါ် အခြေခံ၍ လက်ခံပါမည်။ အလုပ်မိတ်ဆက်မှု အောင်မြင်သည်ဖြစ်စေ မအောင်မြင်သည်ဖြစ်စေ ပေးဆောင်ပြီးသည်နှင့် အခကြေးငွေကို ပြန်လည်အမ်းမည်မဟုတ်ပါ။

ဒုတိယအလုပ်ရှာဖွေရေး
၁ ကျွန်ုပ်တို့ကုမ္ပဏီသည်(ကိုင်တွယ်မည့် အလုပ်အတိုင်းအတာသည် ပြည်တွင်းအလုပ်အကိုင်အားလုံးဖြစ်သည်)မည်သည့်အလုပ်လျှောက်လွှာများကိုမဆို လက်ခံသည် ။
သို့သော် လျှောက်လွှာပါ အကြောင်းအရာများသည် ဥပဒေနှင့်ဆန့်ကျင်ပါက လျှောက်လွှာကို လက်ခံမည်မဟုတ်ပါ။
၂ အလုပ်လျှောက်ထားရန်၊ ကျွန်ုပ်တို့၏ရုံးသို့ လူကိုယ်တိုင်လာရောက်၍ သတ်မှတ်ထားသော အလုပ်လျှောက်လွှာပုံစံကို အသုံးပြု၍ လျှောက်ထားပါ။
၃ နေ့စားအလုပ် သို့မဟုတ် ယာယီအလုပ်ကို လုပ်ကိုင်လိုသူများသည် ရုံးတွင် အထူးစာရင်းသွင်းခြင်းပြုလုပ်ရန်နှင့် သီခြားသတ်မှတ်ထားသော မှတ်ပုံတင်လက်မှတ်ကို တင်ပြခြင်းဖြင့် အလုပ်လျှောက်လွှာတင်ခြင်းလုပ်ငန်းစဉ်ကို ချန်လှပ်နိုင်ပါသည််။

အပိုင်း ၃ နိဒါန်း
၁ အလုပ်ရှာနေသူများအတွက် အလုပ်အကိုင်လုံခြုံရေးဥပဒေ ပုဒ်မ 2 တွင်ဖော်ပြထားသည့် လွတ်လပ်စွာ လုပ်ငန်းအမျိုးအစားရွေးချယ်ခွင့်၏ ရည်ရွယ်ချက်အပေါ် အခြေခံ၍ သင့်မျှော်လင့်ချက်၊ အရည်အချင်းများနှင့် ကိုက်ညီသော အလုပ်တစ်ခုကို အမြန်ရှာဖွေနိုင်ရန် ကျွန်ုပ်တို့ အတတ်နိုင်ဆုံး ကူညီပေးပါမည်။
၂ အလုပ်ကိုလည်း သင့်မျှော်လင့်ချက်များနှင့်ကိုက်ညီသော အလုပ်ရှာဖွေနေသူများကို ရှာဖွေရန် ကျွန်ုပ်တို့ အကောင်းဆုံးလုပ်ဆောင်သွားပါမည်။
၃ မိတ်ဆက်သည့်အခါ အလုပ်ရှာဖွေနေသူအား ပေးအပ်မည့် အလုပ်၏အကြောင်းအရာ၊ လုပ်ခ၊ အလုပ်ချိန်နှင့် အခြားအလုပ်အကိုင်အခြေအနေများကို စာရွက်စာတမ်းဖြင့် အလုပ်ရှာဖွေသူအား ကြိုတင်အသိပေးမည်ဖြစ်ပါသည်။
သို့သော် အရေးတကြီးလိုအပ်ချက်ကြောင့် စာရွက်စာတမ်းဖြင့် ဖော်ပြရန် မဖြစ်နိုင်ပါက၊ ကျွန်ုပ်တို့သည် အခြားနည်းလမ်းဖြင့် ကြိုတင်၍ရှင်းလင်းစွာ ဖော်ပြပါမည်။
4 အလုပ်ရှာဖွေသူများကို အလုပ်ခေါ်ယူသူအား မိတ်ဆက်ပေးသည့်အခါတွင် မိတ်ဆက်စာတစ်စောင်ကို ထုတ်ပြန်ပေးမည်ဖြစ်ပြီး ထိုမိတ်ဆက်စာကို ယူဆောင်၍ အလုပ်ခေါ်သူထံ သွားစေပါမည်။
5 အလုပ်ခေါ်စာ သို့မဟုတ် အလုပ်လျှောက်လွှာကို လက်ခံရရှိသည်နှင့်တပြိုင်နက် အလုပ်မိတ်ဆက်ခြင်းကို တာဝန်ယူလုပ်ဆောင်ပေးပါမည်။
6 ကျွန်ုပ်တို့ကုမ္ပဏီသည် အလုပ်သမားအငြင်းပွားမှုများတွင် ဘက်မလိုက်သောအနေအထားတွင်ရှိနေသောကြောင့် သပိတ်မှောက်ခြင်း သို့မဟုတ် အလုပ်ပိတ်သိမ်းသည့် ကာလများတွင် အလုပ်ရှာဖွေသူများထံသို့ မိတ်ဆက်ပေးခြင်းများ ပြုလုပ်မည်မဟုတ်ပါ။
၇ အလုပ်လုပ်မည့်နေရာ ဆုံးဖြတ်ပြီးသည်နှင့် အလုပ်ကမ်းလှမ်းသူနှင့် သက်ဆိုင်ရာအလုပ်ရှင်ထံမှ ပူးတွဲပါ အခကြေးငွေဇယားအပေါ် အခြေခံ၍ မိတ်ဆက်ခကို ကောက်ခံပါမည်။

အပိုဒ်၄ အခြား
၁ ကျွန်ုပ်တို့ကုမ္ပဏီသည် အလုပ်အကိုင်လုံခြုံရေးအေဂျင်စီများနှင့် အခြားအလုပ်အကိုင်အေဂျင်စီများနှင့် ပူးပေါင်းဆောင်ရွက်မည်ဖြစ်ပြီး သက်ဆိုင်ရာလုပ်ငန်းနှင့်သက်ဆိုင်သည့် အလုပ်ရှာဖွေသူများထံမှ တိုင်ကြားချက်များကို ဆောလျင်စွာ သင့်လျော်စွာ တုံ့ပြန်ဆောင်ရွက်မည်ဖြစ်ပါသည်။
၂ ကျွန်ုပ်တို့ကုမ္ပဏီ၏ အလုပ်မိတ်ဆက်မှုရလဒ်နှင့်ပတ်သတ်၍ အလုပ်ခေါ်သူ၊ အလုပ်လျှောက်သူ ၂ဖက်စလုံးထံမှ ကျွန်ုပ်တို့ကုမ္ပဏီသို့အစီရင်ခံတင်ပြပေးပါ။
ထို့အပြင် ကျွန်ုပ်တို့ကုမ္ပဏီ၏ အလုပ်မိတ်ဆက်ခြင်းဖြင့် ရက်အကန့်အသတ်မရှိသည့်ကာလတစ်ခုဖြင့် အလုပ်သမားစာချုပ်ချုပ်ထားသော အလုပ်ရှာဖွေသူသည် အလုပ်၀င်ပြီး ခြောက်လအတွင်း အလုပ်မှနုတ်ထွက်ခြင်း(အလုပ်ထုတ်ခံရသည့်ကိစ္စများမပါဝင်) ရှိမရှိနှင့် ပတ်သက်၍ ကျွန်ုပ်တို့ကုမ္ပဏီသို့အစီရင်ခံတင်ပြပေးပါ။
၃ ကျွန်ုပ်တို့ကုမ္ပဏီသည် အလုပ်ရှာဖွေသူများ သို့မဟုတ် အလုပ်ခေါ်သူများထံမှရရှိသော ကိုယ်ရေးကိုယ်တာအချက်အလက်များအားလုံးကို လျှို့ဝှက်ထားမည်ဖြစ်ပြီး အခြားမည်သူ့ကိုမျှ ထုတ်ဖော်ပြောဆိုမည်မဟုတ်ပါ။
၄ ကျွန်ုပ်တို့ကုမ္ပဏီသည် အလုပ်ရှာဖွေသူများနှင့် အလုပ်ခေါ်သူများကို ၎င်းတို့၏လူမျိုး၊ နိုင်ငံသား၊ ယုံကြည်ချက်၊ ကျား၊ မ၊ လူမှုအဆင့်အတန်း၊ မိသားစုဇာတိ၊ ယခင်အလုပ်၊ အလုပ်သမားသမဂ္ဂအဖွဲ့၀င်ဖြင်ခြင်း စသည်တို့ကို အခြေခံ၍ ခွဲခြားဆက်ဆံမှုများ ပြုလုပ်မည်မဟုတ်ပါ။
5 ကျွန်ုပ်တို့ကုမ္ပဏီ၏ ဝန်ဆောင်မှုနယ်ပယ်သည် အလုပ်အမျိုးအစား အားလုံးဖြစ်ပါသည်။ ထို့အပြင် ဝန်ဆောင်မှုဧရိယာသည် ဂျပန်တစ်နိုင်ငံလုံး ဖြစ်ပါသည်။
၆ ကျွန်ုပ်တို့ကုမ္ပဏီ၏ လုပ်ငန်းလည်ပတ်မှုနှင့်ပတ်သက်သော စည်းမျဉ်းများသည် အထက်တွင်ဖော်ပြထားသည့်အတိုင်းဖြစ်သော်လည်း ရုံး၏လုပ်ငန်းလည်ပတ်မှုအားလုံးကို Employment Security Act နှင့် အကြောင်းကြားစာများဆိုင်ရာ ဥပဒေများနှင့် စည်းမျဉ်းစည်းကမ်းများအပေါ်အခြေခံ၍ လုပ်ဆောင်နေသောကြောင့် သင့်တွင်မေးခွန်းများရှိပါက အသေးစိတ်မေးမြန်းလိုပါက ဝန်ထမ်းများအား မေးမြန်းနိုင်ပါသည်။ .

ဧပြီ 1၊ 2021<
Will Group Co., Ltd.

ကိုယ် စားလှယ် Shigeru Ohara

အခကြေးငွေဇယား

ဝန်ဆောင်မှုအမျိုးအစားများနှင့် အကြောင်းအရာများ	အခကြေးငွေပမာဏနှင့် ပေးချေရန်တာ၀န်ရှိသူ
အလုပ်ခေါ်စာကို လက်ခံပြီးနောက် အလုပ်ရှာဖွေသူများကို မိတ်ဆက်ပေးသည့် ဝန်ဆောင်မှု [အလုပ်အကိုင်မိတ်ဆက်သည့် ၀န်ဆောာင်မှု]	အလုပ်လျှောက်လွှာတင်ကြေး- အလုပ်တစ်ခုလျှင် တစ်လလျှင် ယန်း 200,000 အောင်မြင်မှုအခကြေး (*1) (သက်တမ်းသတ်မှတ်ထားခြင်းမရှိသည့် အလုပ်စာချုပ်များဖြင့် မိတ်ဆက်သည့်အခါ) "ကျွန်ုပ်တို့ကုမ္ပဏီ၏ အလုပ်လျှောက်သူ အလုပ်၀င်ပြီးနောက် ၁နှစ်တာတွင် ပေးချေသည့် လုပ်အားခ(အလုပ်ခန့်စာနှင့် အလုပ်စာချုပ်တွင်ဖော်ပြထားသောပမာဏ)၏ 50% (သက်တမ်းသတ်မှတ်ထားသည့် အလုပ်စာချုပ်များဖြင့် မိတ်ဆက်သည့်အခါ) " ကျွန်ုပ်တို့ကုမ္ပဏီ၏ အလုပ်လျှောက်သူ အလုပ်၀င်ပြီးနောက် အလုပ်စာချုပ်ကာလအတွင်း (အလုပ်စာချုပ်ကာလ ၁နှစ်ကျော်သည့်အခါ အများဆုံး ၁နှစ်စာ) ပေးချသည့် လုပ်ခ (အလုပ်ခန့်စာနှင့် အလုပ်စာချုပ်တွင်ဖော်ပြထားသောပမာဏ) ၏ 50% အခကြေးငွေကို ခေါ်ယူသူမှ ပေးဆောင်ရမည်ဖြစ်ပါသည်။
အလုပ်ခေါ်သူများအတွက် ကျွမ်းကျင်သောဆွေးနွေးမှုများနှင့် အကြံပေးဝန်ဆောင်မှုများ [အလုပ်အကိုင်မိတ်ဆက်ခြင်းသို့ထပ်လောင်းဝန်ဆောင်မှုများ] * အထက်ဖော်ပြပါ အလုပ်အကိုင်မိတ်ဆက်ခြင်း၀န်ဆောင်မှုများအပြင် ကျွမ်းကျင်သောဆွေးနွေးမှုများနှင့် အကြံပေးဝန်ဆောင်မှုများကို လုပ်ဆောင်သည့်အခါ	အောင်မြင်မှုအခကြေးငွေ သက်ဆိုင်ရာအလုပ်လျှောက်ထားသူ အလုပ်၀င်ပြီးနောက် ၁နှစ်တာတွင်ပေးချေသည့် လုပ်အားခ (အလုပ်ခန့်စာနှင့် အလုပ်စာချုပ်တွင်ဖော်ပြထားသောပမာဏ)၏ 50% အခကြေးငွေကို ခေါ်ယူသူမှ ပေးဆောင်ရမည်ဖြစ်ပါသည်။

အထက်ပါအခကြေးငွေများတွင် စားသုံးခွန်မပါဝင်ပါ။ သီးခြားထပ်ပေါင်းထည့်ပါမည်။

ခွင့်ပြုမိန့်နံပါတ် 13-U310601

လုပ်ငန်းအမည်နှင့် လိပ်စာ
Will Group Co., Ltd. Nishi-Shinjuku Office၊ ဒုတိယထပ်၊ Advance Building၊ 8-1-16 Nishi-Shinjuku, Shinjuku-ku, Tokyo.